وحشتينى من يوميات شاب على وش جواز .....تخيل ما قد يكون إن شاء الله

بسم الله الرحمن الرحيم

حبيبتى

بجد بجد ووحشتينى

وكل يوم حبك فى القلب بيكبر أكتر وأكتر

إنتى مش بقيتى ........ وبس لا إنتى بقيتى دنيا وأمل وعمل وسهر وعمر بحااله

لحد النهارده لسه عاجز عن قول كلمه بحبك ،

ومش تستنايها لإنى مش هأقولها الأيام دى خالص مالص

مش هأقولها إلا يوم عقد قرآنى عليكى ،

ويوم ما أكتب كتابى عليكى والدنيا كلهاا تظغرط معايا ،

يومها ممكن أقوللك بحبك بأقولك ممكن علشان ما ترسميش عليها من دوقتى

بس يومها بس ،

مش تتوقعى إنى أأقولها على طول

هأنكون بقى دخلنا فى المشوار اللى قلبنا كلهم

من يوم ما إتعرف الزاوج لحد النهارده دخلوه وششافوه وعرفوه

طبيخ وترويق وقلب الشقه رأساً على عقب ومن غير سبب ، والمكواه والزرار إنقطع ، واالجذمه فين ، والشراب كان هنا إمبارح وديتيه فين والأكل ناقص ملح ، ورايحين لمامتك وبعدها رايحين لمامتى ومشاكل هأتتوجد من غير سبب - ربنا يبعدها عننا - ، ومشاعر ومعاشره وإنتظار عوده البيه - اللى هو انا يعنى - من الشغل وراجع تعبان وحضرتك مستنيه من غير غدا وأقولك تعبان ويدوبك أنام علشان ألحق أنزل شغل بليل - علشان يادوبك أكفى إحتياجتنا الأساسيه - وأجى من شغل بليل ألائى حضرتك نايمه على الكنبه جنب الأكل اللى برد طبعاً من السقعه ، أخدك بين أيديا وأشيلك لحد السرير ،- ويارب تكونى يومها عامله رجيم علشان ظهرى ما يتكسرش - وأخليكى نايمه وأروح أرجع أسخن الأكل أو أنزل على اى مطعم أو حتى أروح أتعشى عند أمى ، ووأرجع على الصبح ، مهو طبعاً ماما مش هأتصدق إنى رايح أتعشى عندها بعد نص الليل علشان أال إيه صعبتى عليا ومش رضيت أصاحكى يا نور عينى ، هوبا هأتهفك دعوتين أوقلها لا ياماما حرام ، البنت والله تعبانه معايا ـ ولا بتغدى معاها ولا حتى باتعشى ، وأهو يوماتى من شغل لشغل وعلى إيديكى يا ست الكل ،

تقوم ربنا يخليها لينا تدعيلك دعوتين تمام من بتوعها ، أرجع ألايكى قلقانه والقلق هأيموتك ، أو حتى لسه نايمه فأحمد ربى وأغير هدومى وأخطف قبله على الماشى وأشوفك بليل يــــــــا يــــــــــا حبيبتى

ــــــــــــــــــــــــــــــــ

ياه أخيراً قولتها تصورى

أهو ده كله كان من تجارب شايفها حوليا لمتزوجين ومتزوجات قرايب وأغراب

وكان نفسى كان نفسى أعرف فين موقع جمله حبييبتى من حياتهم هههههههههههههههه

ــــــــــــــــــــــــــ

ربى يعجل بزواجنا ولم شملنا على ما يرضيه عنا

وتكونى لى حسنه دنيتى وأكون لك حسنه دنيتك بإذن الله

ويرزقنا الله بحسنه الأخرة وجنتها وعبيرها وشذاها ونكون على سرر متقابلين

وتكونى زوجتى فى الجنه إن شاء الله تعالى وأكون لك نعم الزوج دنياً وآخرة بإذنه تعالى

وفى الآخر

حبيبتى بجد وحشتينى

M