بسم الله الرحمن الرحيم
مابحبش كلمه لازم دى
بس لازم أحبها فى تلاتين أربعين فى الميه من حياتى
ويمكن أكتر كمان من النسبه المعلنه دى شويه - كتار- يعنى كتير
اهو مثلا دوقتى لازم أأقوم أكمل شغلى وأرجع لمكانى وعملى ودنيتى وأسيب بيتى وأهلى وناسى
وأترك كل شىء وأهرع لحد بأحبه مهو شغلى ولازم أحبه ، لازم تانى أهى رجعت يا ولاد رجعت تانى وهى هى
بس بجد بحب شغلى ، وحبيته أكتر لما درسته وإتعلمته ، وبدت تانى أكمل فيه دراستى اللى كنت نسيتها من زمان لا من زمانات كتيره
شغلى وعملى حبيبى ، عملى الجميل المريح - ال مريح ال - جدا جدا واللى بحس بكسل كبير وانا بمارسه من راحته يعنى :( :)
لازم ترجع
لازم تذاكر كويس
لازم تنجح السنه دى
لازم تتجوز وتجيبلنا عيال
لازم تنام علشان ترتاح وتريح جسمك
أهلنا الله يخليهم ويباركلنا فيهم ، أمثله كتيره كتثره جدا
لاقتها بتستخدم الكلمه دى مع كل أولادها ، فى مختلف المراحل العمريه
ووو لازم ااقوم حالاً علشان ألحق القطر ليفوتنى :)
مهو لازم أأقوم
يمكن نكملها أما نرجع بإذن الرحمن
M
عارف ليه بنقول لازم؟علشان احنا عارفين أن : عرفت فالزم وحقيقي كل اللي بنقول عليه لازم هو لازم ولزما وحتما ولابد من الالتزام به ويارب نشوفك أب ونشوف حتقول كام لازم...صحبتك السلامة
ردحذف